გუშინ ღამით ბაღდათს მუნიციპალიტეტში მეწყერი ჩამოწვა.
ამ დროის მონაცემებით, დაღუპულია 4 ადამიანი.
როგორც ერთ-ერთმა ადგილობრივმა მცხოვრებმა განაცხადა, მეწყერში მისი ოთხი მოსწავლეა მოყოლილი.
„პედაგოგი ვარ და მოსწავლეები არიან, ვისაც ეძებენ. საოცარი ბავშვები, შესანიშნავი ახალგაზრდები არიან. ბოლო დრომდე ვერ ვამბობ ვერაფერს, იქნებ უფლის წყალობით რამე მოხდეს, 4 ბავშვზეა საუბარი. ჩამოსული მასის ვიზუალური დათვალიერების შედეგად ისეთი მდგომარეობაა აქ, რომ გადარჩენის შანსი ძალიან დაბალია. იქნებ მოხდეს სასწაული და ცოცხალი ვნახოთ ვინმე“, – აცხადებს ის.
სოფელ ნერგეეთში სამძებრო-სამაშველო სამუშაოები ამ დრომდე გრძელდება.