საფრანგეთში მცხოვრები ქართველი ჟურნალისტი, გიორგი ფოფხაძე, სოციალურ ქსელში ახალ პოსტს აქვეყნებს.
ის ბახმაროში „ორბის“ მასშტაბური კომპლექსის პროექტს ეხება.
„არაფრის ექსპერტი არ ვარ მე და არც არასოდეს მქონია პრეტენზია, ერთად ერთი რაც ძალიან კარგად ვიცი ევროკავშირი და ევროინსტიტუტებია და ნეტა ესეც არ ვიცოდე, მარაა ბიჯო რა მაინტერესებს იციით, ბახმაროში რომ, სამშენებლო კომპანია “ორბი” რაღაც შვიდასსართულიან რკინაბეტონის ჩოჩხს ააშენებს რატომ უნდა მოვიწონო, როცა ევროპის ზამთრის არც ერთ კურორტზე ხის “შალეების” გარდა არსად არაფერი არ მინახავს?.. არა და ზამთრის კურორტების ხშირი სტუმარი გახლავართ და აი ასეთი სასტუმროების გარდა, მართლა არ შემხვედრია რკინაბეტონის მრავალსართულიანი იდიოტობები.. ჩვენც რომ, მივბაძოთ კარგ რამეში ევროპას არ შეიძლება?.. თუუ, რკინაბეტონი იაფი და იორღაა? ..
აბა ეკოლოგიის ნორმებში ეგ არ ჯდება და ესთეტიკური ღირებულება ხომ საერთოდ ნოლი აქვს..
“რათა შვილო, რათა, რათა, რათა?“, – წერს ის.