“მის იაპონიის” გამარჯვებულს, 26 წლის უკრაინელ ქალს, კაროლინა შიინოს სილამაზის დედოფლის გვირგვინის დათმობა მოუწია – მიზეზი ისაა, რომ ქალს დაქორწინებულ მამაკაცთან ჰქონდა რომანი, რაც ეწინააღმდეგება სილამაზის კონკურსის წესებს.
ადგილობრივმა ჟურნალმა გამოაქვეყნა სტატია, სადაც კაროლინას პირადი ურთიერთობა იყო განხილული – გამოცემის მტკიცებით, ქალს რომანი ჰქონდა დაქორწინებულ ექიმთან. მამაკაცს კომენტარი არ გაუკეთებია.
თავდაპირველად, სილამაზის კონკურსის ორგანიზატორებმა შიინო დაიცვეს, მოგვიანებით კი აზრი შეცვალეს და აღიარეს, რომ კაროლინამ მამაკაცის ოჯახური სტატუსის შესახებ ყველაფერი იცოდა. შესაბამისად, მან გვირგვინი დათმო და თაყვანისმცემლებს ბოდიში მოუხადა:
“ნამდვილად ვწუხვარ იმ ტკივილისთვის, რაც მე მოგაყენეთ… ყველას ვუღალატე, ვინც მხარს მიჭერდა”, – აღნიშნულია გავრცელებულ განცხადებაში.
წყარო: “ამბები.ჯი”