იურისტი ნიკა სიმონიშვილი სოციალურ ქსელში ინფლუენსერებისთვის ახალი სტანდარტებს შემოღებას ეხმიანება და განმარტავს, “რას გულიხმობს ინფლუენსერებისთვის ახალი რეგულაციები.
“რას გულიხმობს ინფლუენსერებისთვის ახალი სტანდარტები?
ახალი რეგულაციები შემოდის?
ახალი რეგულაციები არ წესდება, კონკურენციისა და მომხმარებელთა უფლებების დაცვის სააგენტო უკვე არსებულ, მომხმარებელთა უფლებების დაცვის შესახებ კანონს აღასრულებს. რა ვალდებულებებს გვაკისრებს ახალი რეგულაციები? ნებისმიერი ფიზიკური პირი, რომელიც რომელიმე პროდუქციის შექებისთვის თუ რეკლამისთვის ფულს აიღებს, ვალდებულია მიუთითოს, რომ ამაში ანაზღაურება მიიღო. ვისზე ვრცელდება ახალი სტანდარტები და ვინ ითვლება ინფლუენსერად? ახალი სტანდარტები ვრცელდება ყველაზე, ვინც ანაზღაურების სანაცვლოდ რეკლამას უკეთებს სხვადასხვა პროდუქციას თუ მომსახურებას. ფოლოვერების რაოდენობას არ აქვს მნიშვნელობა, ერთია თუ მილიონი, თუ თანხა მიიღე რეკლამის გასაკეთებლად, ყველა შემთხვევაში კანონის მოქმედების ფარგლებში ექცევი. რა საჭიროა ამ სტანდარტების შემოღება? კანონი ასეთ საქმიანობას კომერციულ საქმიანობად მიიჩნევს და ინფლუენსერი, რომელმაც რეკლამაში ანაზღაურება მიიღო, ასევე მოვაჭრედ ითვლება. მოვაჭრეს კი კანონით ეკრძალება უსამართლო, არაკეთილსინდისიერი და შეცდომაში შემყვანი კომერციული საქმიანობა, რეკლამის შესახებ ინფორმაციის არმითითება კი ასეთ ქმედებად მიიჩნევა. რა მოხდება, თუ ახალ სტანდარტებს და არსებულ რეგულაციებს არ დავემორჩილებით? კონკურენციისა და მომხმარებელთა უფლებების დაცვის სააგენტო მოგთხოვთ აკრძალული ქმედების შეწყვეტას, ხოლო მისი შეუსრულებლობის შემთხვევაშ კი დაგაჯარიმებთ. ახალ გადასახადებს გვიწესებენ? არა, კომერციული საქმიანობით მიღებული ნებისმიერ შემოსავალი აქამდეც იბეგრებოდა და ამის შემდეგაც იმავენაირად დაიბეგრება.თუ სხვა კითხვებიც გექნებათ, კომენტარებში დამიწერეთ”– წერს ნიკა სიმონიშვილი.