ჩჟანმა, ორი შვილის მამამ, დაიწყო ურთიერთობა იესთან, რომელმაც თავიდან არ იცოდა, რომ ჟანი დაქორწინებული იყო და შვილები ჰყავდა.
შემდეგ მან ”წაახალისა” ჩჟანი, მოეკლა თავისი ორი შვილი, რადგან „მიიჩნევდა, როგორც დაბრკოლებას“, მათი ქორწინებისთვის და რომ ისინი ამძიმებდნენ მათ მომავალ ერთობლივ ცხოვრებას“, – ნათქვამია ქალაქ ჩუნცინის სახალხო სასამართლოს განცხადებაში.
2020 წლის ნოემბერში, ჩჟანმა თავისი შვილები – ორი წლის ქალიშვილი და ერთი წლის ვაჟი – ბინის ფანჯრიდან გადააგდო, შემდეგ კი დაბლა ჩაირბინა, რათა გულდამძიმებული გამოჩენილიყო მომხდარის გამო.
იმ დროს ის ამტკიცებდა, რომ ეძინა, როდესაც ბავშვები ფანჯრიდან გადმოცვივდნენ და თქვა, რომ გაზონზე ცხედრების აღმოჩენის შემდეგ, ქვემოთ ხალხის ყვირილმა გააღვიძა.
პატარა გოგონა მყისიერად გარდაიცვალა, ბიჭმა კი მიყენებული დაზიანებებით ცოტა ხანს იცოცხლა და მალევე გარდაიცვალა.
ბავშვების დედამ, ჩენ მეილინმა ადგილობრივ მედიას განუცხადა, რომ ჩჟანმა სთხოვა, ეზრუნა ქალიშვილზე სწორედ იმ დღეს, როდესაც ორივე მოკლა. მიუხედავად იმისა, რომ ყოფილი წყვილი იზიარებდა მეურვეობას, დედა ზრუნავდა გოგონაზე, მამა კი – ბიჭზე.
ჩენმა ასევე თქვა, რომ ჩჟანმა შვილები მას შემდეგ მოკლა, რაც მისმა შეყვარებულმა მაჯებზე ვენები გადაიჭრა.
ადგილობრივი მედიის ცნობით, მამამ აღიარა, რომ ის და იე ბავშვების მოკვლას გეგმავდნენ, რათა მათ შეექმნათ ახალი ოჯახი, ბავშვების გარეშე.
ორივე დამნაშავედ ცნეს, სასამართლომ განაცხადა, რომ წყვილს სიკვდილით დასჯა 2021 წლის დეკემბერში მიუსაჯეს, სისრულეში კი დღეს მოიყვანეს.
მათი სიკვდილით დასჯა სწრაფად გავრცელდა ჩინეთის სოციალური მედიის ვებსაიტზე Weibo-ს ტენდენციური თემების სიის სათავეში და თითქმის 200 მილიონი ნახვა ჰქონდა. – წერს dailymail