ყოფილი პოლიტიკოსი ირინა სარიშვილი სოციალურ ქსელში მისი ოჯახის წევრის ჯანმრთელობის მდგომარეობის შესახებ ახალ პოსტს ავრცელებს.
“გუშინ საღამოს ბარბარე დაბალი სატურაციით და ორმხრივი მძიმე პნევმონიით დააწვინეს რეანიმაციაში. შეიძლება საჭირო გამხდარიყო ინტუბაცია, რისიც ძალიან მეშინოდა. მოკლედ – მაგრად იყოჩაღეს ექიმებმა და ბაბალემაც რა თქმა უნდა და ინტუბაციას გადავრჩით. ბარბარე რჩება რეანიმაციაში ორმხრივი მძიმე პნევმონიით, რასაც ვირუსით გამოწვეული გართულებებიც დაერთო, მაგრამ მდგომარეობა კონტროლს ექვემდებარება და უკეთესობის ტენდენცია არის.
სანდრო და მარო დღეს ნახა ექიმმა, მათ პრაქტიკულად დაძლიეს ვირუსი და სავარუდოდ კვირის ბოლოდან ჩვეულ რიტმს დაუბრუნდებიან.
მე ისევ ცუდად ვარ (საბაც და ირაკლიც), ტამიფლუს დალევა დავიწყე და ვნახოთ რა შედეგი ექნება. ლაპარაკი მიჭირს.
ლუკა ბაბალესთან წავიდა სანახავად,ერთადერთი ჯანმრთელი გადაგვირჩა ოჯახში და გვივლის ყველას როგორც შეუძლია.
მოკლედ ეგეთი მდგომარეობაა ამ წუთისთვის. უღრმესი მადლობა ყველას ყურადღებისთვის და ჯანმრთელობა ყველას!”– წერს ირინა სარიშვილი.