ჟურნალისტი დათო ლიკლიკაძე სოციალურ ქსელში პოსტს აქვეყნებს.
,,ანსამბლ “შვიდკაცას” კონცერტის შემდეგ შვილთან ერთად საგრიმიოროში შევედი ბიჭებისთვის ეს მაგარი კონცერტი უნდა მიმელოცა (ანსამბლთან მეგობრობა მაკავშირებს, მათი კონცერტებიც კი მიმყავდა სხვადასხვა დროს). კულისებში ეკა მამალაძე შეგვხვდა და “ეველინ შენ აქ ხარო”…, მერე ნატო მეტონიძემ და ნუკრი კაპანაძემ დაუძახა, ეველინ როგორ ხარო, ბოლოს ლიზა ბაგრატიონმა მოიკითხა, ეველინ გუშინ მამიკომ ხაჭაპური თუ მოგიტანაო (წინა დღით ერთად ვიყავით ჩემი მეგობრის, მზიკოს ოჯახში).
დღეს დილით ბაღში წასვლის წინ ეველინი მეკითხება:
-მამა ასე პოპულარული თუ იცი რატო ვარო?
-მამიკოს იცნობენ ეველინ…
-მამიკო არა ის კიდე….
-აბა?
-“ენკი ბენკის” უყურებენ ალბათ, მეც ხომ ვმღერი “წკაპ-წკუპ, წკაპ-წკუპ, წვიმა მოსულა”-წერს ლიკლიკაძე