სასწავლო ცენტრის, RE’BELLE STUDIO-ს, ხელმძღვანელი ია ცუხიშვილი გარდაცვლილ მოდელ ელენე ეფრემიძეზე წერს.
“ძალიან ცუდი დღეები მაქვს… ჩემი უსაყვარლესი ადამიანი, განუმეორებლად უნიჭიერესი გოგო აღარ მყავს! ჩემი ულამაზესი მოდელი, რომელიც შვილივით გაიზარდა ჩემ გვერდით. მტკივა უმისობა. ვერ ვიჯერებ. ყველგან მას ვხედავ. უამრავი ადამიანი მირეკავს, უცნობი, ნაცნობი. მათ ჩემგან გაუცნიათ ელენე. ამ საქმეს ორივე დიდი სიყვარულით ვაკეთებდით. ჩვენ დიდი გეგმები გვქონდა. სამი დღის წინ ჩემთან იყო, ჩამეხუტა და დამემშვიდობა”, – წერს ია ცუხიშვილი.
ცნობისთვის,19 წლის მოდელი ელენე ეფრემიძე რამდენიმე დღის წინ მოულოდნელად გარდაცვლილა. გარდაცვალების მიზეზი, სავარაუდოდ, გულის უკმარისობა გახდა.