ელენე ნავერიანის „შაშვი შაშვი მაყვალი” შვეიცარიის კინოდაჯილდოების ნომინანტია.
ფილმი ჯილდოს მოსაპოვებლად იბრძოლებს ნომინაციაში: „საუკეთესო მხატვრული ფილმი”.
შვეიცარიის კინოდაჯილდოება ყოველწლიურად ტარდება და მასში მონაწილეობას იღებენ ფილმები, რომლებიც შეიქმნა შვეიცარიაში ან შვეიცარიის თანადაფინანსებით. სწორედ ამ უკანასკნელი ნიშნით მოხვდა ელენე ნავერიანის ფილმი კონკურსში.
„შაშვი შაშვი მაყვალი” ელენე ნავერიანის მესამე სრულმეტრაჟიანია ფილმია, რომლის პრემიერაც გაიმართა წლევანდელ კანის კინოფესტივალზე დამოუკიდებელ სექციაში – „Quinzaine des cinéastes“.
სარაევოს ფესტივალზე ფილმმა მოიპოვა მთავარი პრიზი, ეკა ჩავლეიშვილი კი დასახელდა საუკეთესო მსახიობ ქალად.
ბელფასტის 23-ე საერთაშორისო კინოფესტივალზე ეკა ჩავლეიშვილს გადაეცა პრიზი „საუკეთესო შესრულებისთვის”, მსახიობი ასევე ნომინირებული იყო ევროპული კინოაკადემიის ჯილდოზეც.