პოლიტიკოსი ეკა ხერხეულიძე სოციალურ ქსელში სამწუხარო ინფორმაციას ავრცელებს.
„ეს წუთია გავიგე,რომ ლია აღარ არი.რამდენი ამბის თავმოყრაა ერთი ადამიანის სახელსა და გვარში-Lia Beruashvili 💔როგორი დასანანია,რომ მისი სახელი და საქმე არ იცის ბევრმა,მაგრამ იცის ყველამ ,ვისაც ჩვენი ქვეყნისთვის უსამართლობასთან ბრძოლაში საკუთარი სიცოცხლე თუნდაც ერთი დღით მაინც საფრთხის ქვეშ დაუყენებია.
რამდენისთვის დაგვიბრალებია გმირობა,რამდენი მყიფე მაგალითი გაგვიიდეალებია,თუმცა ნამდვილი გმირების ვერ მცნობი ხალხი ვართ და არც ის ვიცით
სიკვდილს უამრავჯერ დაპირისპირებული ,უშიშარი ლია,როგორი ფასეულია ჩვენი ისტორიისთვის.წესით,მაღალი რეპუტაციის სამეცნიერო ინსტიტუტში უნდა ემუშავა ,მაგრამ საქართველოს სახელით მთელი ცხოვრება რიგით ჯარისკაცად იცხოვრა.ისე სუფთად,ისე უხმოდ,რომ უწესო კაციც კი დაუნანებლად იტყვის-განისვენოს იქ,სადაც მართალნი განისვენებენ.
ვამაყობ,რომ ლიას თანამებრძოლი ვიყავი,ისეთი ტკივილები გადავიტანეთ ერთად,რომ ფერიც არ აქვს იმ მძიმე წლებს.შეხვედრამდე,ჩემო ერთგულო მეგობარო,ჩემო მართალო ლია💔🇬🇪“, – წერს ის.