საქართველოს საცხენოსნო სპორტის ეროვნული ფედერაცია სოციალურ ქსელში სამწუხარო ინფორმაციას ავრცელებს.
„საქართველოს საცხენოსნო სპორტის ეროვნული ფედერაცი ღრმა მწუხარებით იუწყება, რომ ცხენოსნობის ოლიმპიურ (კლასიკურ) სახეობებში ჩვენი ქვეყნის ღვაწლმოსილ ვეტერან მხედართა რიგებს 66 წლის ასაკში გამოაკლდა ბორის კუზმინი. ბორისი დაიბადა თბილისში 1957 წლის 9 სექტემბერს. 1975-1980-იან წლებში წარმატებით ასპარეზობდა დაბრკოლებათა გადალახვაში გამართულ რესპუბლიკურ და საკავშირო შეჯიბრებებში. იყო სპორტის ოსტატი, საქართველოს ნაკრების წევრი, გამოდიოდა სპორტსაზოგადოება „სპარტაკის“ სახელით. სპორტსმენის კარიერის დამთავრების შემდეგ მოსკოვში გადავიდა საცხოვრებლად. დიდხანს მუშაობდა მწვრთნელად, მათ შორის რუსეთის ნაკრებთან.
ვუსამძიმრებთ გარდაცვლილის ოჯახს და ცხენოსნობის მოყვარულებს“, – აღნიშნულია პოსტში.