ბათუმში, სახლში გაჩენილი ხანძრის დროს დაშავებული 24 წლის ქალი კლინიკაში, რეანიმაციულ განყოფილებაში, რჩება.
ექიმის განმარტებით, პაციენტი კონტაქტურია, მისი მდგომარეობა სტაბილურად მძიმეა.
„დიაგნოზი არის 25% სხეულის თერმული დამწვრობა, მეორე-მესამე ხარისხი დამწვრობითი შოკი, მოთავსებულია დამწვრობის ცენტრის რეანიმაციულ განყოფილებაში, საკმაოდ სერიოზული დიაგნოზია”, – განაცხადა დამწვრობის ცენტრის დირექტორმა, გუგა ქაშიბაძემ.
ცნობისთვის, შემთხვევა ბათუმში, სვიშევსკის ქუჩაზე, მოხდა.
შაინიძეების 4-წევრიან ოჯახში ხანძარი გაჩნდა. სახლში დედა და ორი მცირეწლოვანი ბავშვი იმყოფებოდა. ბავშვების ჯანმრთელობის მდგომარეობა ამ დროისთვის დამაკმაყოფილებელია, ისინი სახლში გაეწერნენ.