ტვ მონიტორინგის ინფორმაციით გორში ავტოსაგზაო შემთხვევის შედეგად, 65 წლის ქალი გარდაიცვალა.
შემთხვევა წმინდაწყლის დასახლებაში, ახალი ავტოსადგურის მიმდებარე ტერიტორიაზე მოხდა. ქვეითს მსუბუქი ავტომობილი დაეჯახა. 65 წლის ქალი “გორმედში” გადაიყვანეს, თუმცა ექიმებმა მისი გადარჩენა ვეღარ შეძლეს. კლინიკის ცნობით, პაციენტს ტრავმა თავის არეში ჰქონდა, რამაც მისი გარდაცვალება გამოიწვია.
შინაგან საქმეთა სამინისტროს ცნობით, გამოძიება გრძელდება და მძღოლი დაკავებული არ არის. უწყების ინფორმაციით, შემთხვევის შემდეგ, გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.