19 იანვარს მართლმადიდებლური ეკლესია ნათლისღების დღესასწაულს აღნიშნავს.
ნათლისღებასთან დაკავშირებული წირვა-ლოცვა სამების საკათედრო ტაძარში სრულიად საქართველოს კათოლიკოს-პატრიარქმა, ილია მეორემ, ვერ აღავლინა.
მისი ჯანმრთელობის მდგომარეობის შესახებ ჟურნალისტებთან დეკანოზმა იოანე გორელიშვილმა ისაუბრა.
„პატრიარქის ჯანმრთელობა სტაბილურია, უბრალოდ, მისი ასაკიდან და უძლურებიდან გამომდინარე, მას არ შეუძლია, რომ ყველა მსახურებაში მიიღოს მონაწილეობა. სამწუხაროდ, დღესაც ვერ შეძლო“, – განაცხადა მან.