ჟურნალისტი თამარ ჩერგოლეიშვილი სოციალურ ქსელში ახალ პოსტს აქვეყნებს.
ჩერგოლეიშვილი ოპოზიციაში მიმდინარე მოვლენებზე საუბრობს.
,,ერთიანობა ლათინური სიტყვაა და ქართულად, საკუთარი ეგოს გარშემო ფეხების ბაკუნს ნიშნავს.
თუ ჩემი არ გჯერათ, ჰკითხეთ რატომ ქმნის გვარამია ცალკე პარტიას გაერთიანების (?!) ეგიდით?
პანაცეად გაერთიანებას სახავს თვითონ და თავადვე არღვევს ერთიანობას – ცალკე ძალას ქმნის.
რატომ გამოეყო ნაციონალურ მოძრაობას? რა საკითხებში უპირისპირდება მიშას?
ან ლომჯარიას ჰკითხეთ, რატომ
არ უერთდება ლელოს?
რა განასხვავებს ანა ნაცვლიშვილისგან?
არაფერი, გარდა პირველობის ჟინისა.
ჩვენ, ევროპულმა საქართველომ, ვიცით რატომ ვართ ცალკე.
ჩვენ ვუპირისპირდებით ერთი კაცის მმართველობას – გინდა ბიძინა იყოს, გინდა მიშა!
ვამხელთ და ვუპირისპირდებით ჩრდილოვან მმართველობას ოპოზიციაში – ვუპირისპირდებით და პოლიტიკურ განადგურებას ვუპირებთ კეზერაშვილის კორუმპირებულ ჯუჯალარებს.
ვამხელთ და ვუპირისპირდებით საპატრიარქოს რუსულ პოლიტიკას – შესაბამისად, ვუპირისპირდებით ოპოზიციის რელიგიურ პოპულიზმს –
ამიტომაა ჩვენთვის ლელო მიუღებელი.
და აი თქვენ რა გინდათ?
ველს რატომ ანაწევრებთ ერთიანობის სახელით, როცა ერთმანეთისგან არ განსხვავდებით?”- წერს ჩერგოლეიშვილი