მომღერალი თიკა ჯამბურია, ბოლო დროს სულ უფრო აქტიურად ჩნდება პრესაში და ნებისმიერ კითხვას გულახდილად პასუხობს. ის გუშინ გადაცემა “ვიზიტორის” სტუმარი იყო, სადაც მის გარშემო არსებულ საინტერესო თემებზე ისაუბრა.
როგორც თიკამ გადაცემაში სტუმრობისას განაცხადა, ახლა მის ცხოვრებაში არავინ არ არის.
“ამ პერიოდში გადავწყვიტე, დრო მხოლოდ საკუთარი თავისთვის დამეთმო. ვერ ვიტან სიტყვას „მარტოხელა დედა“, როგორ ვარ მარტოხელა დედა, როცა ამდენი ადამიანი გვახვევია თავს მე და ჩემს შვილს.
ჯერჯერობით არ ვფიქრობ, რომ ვინმე მჭირდება, ალბათ, ყველაფერს თავისი დრო აქვს, გამოჩნდება, სად წავა. დადგება დრო და ოჯახსაც შევქმნი და შვილსაც გავაჩენ. არ აქვს მნიშვნელობა, იქნება თუ არა ოფიციალურად ქმარი” – ამბობს მომღერალი.
ბოლო დროს თიკა ძალიან გახდა, რაც ფიზიკური აქტივობის დამსახურებაა. ჯამბურია ყოველდღიურად 15-20 კილომეტრს დადის ფეხით.