„ინფო რუსთავის“ ცნობით, რუსთავში ხანძარს 55 წლის კაცი ემსხვერპლა.
გარდაცვლილი რუსთავის მუნიციპალური ავტოტრანსპორტის საწარმოს თანამშრომელი იყო.
„პირველ რიგში, მწუხარებას გამოვთქვამთ ჩვენი თანამშრომლის გარდაცვალების გამო და მის ოჯახს თანავუგრძნობთ.
ავტოსატრანსპორტო საწარმოს ტერიტორიაზე ინახება ამორტიზებული ტექნიკაც. ერთ-ერთი ასეთი იყო ძველი ავტობუსის რკინის კარკასი, რომელშიც გაჩნდა ცეცხლი. ამ დროს ჩვენი თანამშრომელი იმყოფებოდა ამ ადგილას და ცეცხლს ემსხვერპლა. მიმდინარეობს გამოძიება და ექსპერტიზა მიზეზს დაადგენს“, – განუცხადა “ინფო რუსთავს” ლელა ლუარსაბიშვილმა.
მომხდართან დაკავშირებით გამოძიება სისხლის სამართლის კოდექსის 187-ე მუხლით მიმდინარეობს.