თბილისის მერის მოადგილემ, ირაკლი ბენდელიანმა, აკაკი წერეთლის გამზირის რეაბილიტაციის დასრულების შესახებ ისაუბრა.
მისი თქმით, ძირითადი სარეაბილიტაციო სამუშაოები იანვრის ბოლოს დასრულდება, სრულად ქუჩის განახლება კი მარტის შუა რიცხვებში დამთავრდება.
„იანვრის ბოლოს საგზაო სამუშაოები დასრულდება და მოძრაობა ორმხრივად აღდგება. ამის შემდეგ, დარჩენილი იქნება ტროტუარის გარკვეულ მონაკვეთებში სამუშაოები. ასევე, შეიძლება, დარჩენილი იყოს ავტობუსის რამდენიმე მოსაცდელისა და კონკრეტული გარე განათების ბოძის დამონტაჟება. მცირე სახის სამუშაოები იქნება. წერეთლის გამზირის ძირითადი ნაწილი იანვრის ბოლოს დამთავრდება […]
რაც არ დასრულდება, ამისთვის, შესაძლოა, საჭირო გახდეს დამატებით, დაახლოებით, თვენახევარი. ეს კლიმატურ პირობებზეცაა დამოკიდებული. მარტის შუა რიცხვებში ქუჩის რეაბილიტაციას სრულად დავამთავრებთ“, – თქვა ბენდელიანმა.