დღეს გავრცელდა ინფორმაცია, რომ მერიამ აკაკი წერეთლის რეაბილიტაციაზე მომუშავე კომპანიებს ხელშეკრულებები გაუწყვიტა.
აღნიშნულ საკითხს სოციალური ქსელით ქალთა უფლებადამცველი, ბაია პატარაია, გამოეხმაურა.
„არ მაინტერესებს და არ მაკმაყოფილებს კონტრაქტის გაწყვეტა. მითხარით, ვინ არიან ამ კომპანიების კორუმპირებული მესაკუთრეები, რა კავშირები აქვთ ხელისუფლებასთან. მანახეთ ყველა სხვა კონტრაქტი და ტენდერი, რაც მოუგიათ და როგორ შეუსრულებიათ.
დამიდეთ სარჩელი, რამდენ მილიონს ედავებით ამ კომპანიას, მერიავ. მოიგეთ საქმე და მანახეთ როგორ აღსრულდება ეგ გადაწყვეტილება. არ მივიღებ ვითომ გაკოტრებულ კომპანიას და გამდიდრებულ მეწილეს. აანაზღაურეთ ზარალი, მათ შორის, ის ეკონომიკური და მორალური ზარალი, რაც მანდ მცხოვრებმა და მომუშავე ხალხმა მიიღო ამ კორუმპირებული სქემით.
კორუმპირებული კალაძე, რომელიც ხაპავს ბიუჯეტს, ამდიდრებს ძმაკაცებს და ფეხზე იკიდებს შეუსრულებელ კონტრაქტებს და ისე იბარებს მშენებლობას, რომ ბავშვები კვდებიან შადრევნებში – უნდა მიეცეს პასუხუსმგებლობაში, მინიმუმ პოლიტიკური პასუხი უნდა აგოს. ეს პროკურატურა და ეს ანტი-კორუფციული სააგენტო არაფერს გამოიძიებს ოცნების წინააღმდეგ, რადგან ნული დამოუკიდებლობა აქვთ ოცნებისაგან.
შეწყვიტეთ ხალხის დროის, ფულის, ნერვების და ჯანმრთელობის ფლანგვა!
პასუხი აგეთ ამხელა ზარალზე!“, – წერს ის.