რუსი ტურისტი, ნადეჟდა იარიგინა, რომელიც 31 დეკემბერს თურქეთში ჩავიდა და შემდეგ გაუჩინარდა, მთაში გარდაცვლილი იპოვეს.
წინასწარი შეფასებით, იგი გაიტაცეს გამოსასყიდისთვის, მაგრამ შემდეგ მოკლეს, წერს SHOT.
ნადეჟდა თურქეთში ქალაქ კიროვიდან 31 დეკემბერს ჩავიდა. სოფელ კირიში (ქემერი) ხუთვარსკვლავიან სასტუმროში Akka Alinda გეგმავდა დასვენებას და 8 იანვარს სახლში გაფრენას. სასტუმროს თანამშრომლების თქმით, 4 იანვარს ნადეჟდა მარტო წავიდა მთაში და აღარ დაბრუნებულა. მისი ნივთები და საბუთები სასტუმროს ნომერში დარჩა.
გუშინ ჩალიშის მთაზე დაკარგული რუსი ტურისტის ტელეფონი იპოვეს, შემდეგ კი თავად ნადეჟდაც.
ადგილობრივი მცხოვრებლებსა და მოხალისეებს მიაჩნიათ, რომ ნადეჟდა შეიძლება შემთხვევით გადავარდნილიყო კლდიდან. მოხალისეების თქმით, გარდაცვლილი რუსი ქალის ცხედარი იყო დასახიჩრებული. ისინი ვარაუდობენ, რომ ქალი შესაძლოა გარეულმა ღორებმა შეჭამეს.