ცოლის მკვლელობაში ბრალდებულ გიორგი კავლელაშვილს, აღკვეთის ღონისძიების სახით, პატიმრობა შეეფარდა.
სხდომა კლინიკის პალატაში ცოტა ხნის წინ დასრულდა.
მოსამართლე არსენ კალატოზიშვილმა მედიასთან განმარტა, რომ ბრალდებულმა თავადაც ითხოვდა პატიმრობაში დატოვება, თუმცა ეს არ ნიშნავს, რომ ის დანაშაულს აღიარებს.
„ბრალდებულის პოზიცია პროკურატურის შუამდგომლობასთან დაკავშირებით არ იყო საწინააღმდეგო. დღეს გაიგო მან, რომ მისი მეუღლე არის გარდაცვლილი და ჩავარდა ძალიან მძიმე ემოციურ მდგომარეობაში, იძახდა, რომ პასუხი უნდა ვაგოო, არ ვარ მე არაფრის ღირსი და ასე შემდეგ, მოკლედ ძალინ ემოციური ფონი იყო“, – ამბობს ადვოკატი.
მისივე განმარტებით, ბრალდებულის სიტყვები არაა საკმარისი იმისთვის, რომ დანაშაული აღიარებად ჩაითვალოს, ამისთვის საჭიროა ექსპერტიზა:
„მისი მონაყოლიდან გამომდინარე იკვეთება, რომ რაღაცეებს ვერ აცნობიერებდა, ვერ იხსენებს დეტალებს, რატომ და ვერც მოტივზე ვერ საუბრობს აქედან გამომდინარე“.
შეგახსენებთ, კავლელაშვილმა მეუღლეს, 27 წლის ქეთევან ედიბერიძეს, დანით მრავლობითი ჭრილობები მიაყენა, რის შედეგადაც, ის გარდაიცვალა.