მოცეკვავე გოჩა ჩერტკოევმა ჟურნალ „სარკეს“ ინტერვიუ მისცა.
მან სხვადასხვა თემაზე ისაუბრა, მათ შორის, აშშ-ში საცხოვრებლად გადასვლის პერიოდზე.
„თავიდან ძალიან გვიჭირდა, კვირაში 10 დოლარად ვცხოვრობდით. მე და შორენას ბავშვის საწოლის იქით-აქეთ, იატაკზე გვეძინა, ბავშვი თუ გადმოვარდებოდა, ჩვენ დაგვეცემოდა. მაგრამ ყველაფერი ძალიან გვიხაროდა. თანხას ვზოგავდით, რომ შემდეგ კონკურსზე გავფრენილიყავით. ფანტასტიკურად კი გამოვიყურებოდით, მაგრამ შიმშილით ვკვდებოდით. შრომა მალე დაგვიფასდა და ამერიკამ გვაღიარა…“, – აღნიშნა მან.