“მოგზაურები, რომლებიც ინგლისში “წითელი სიის” ქვეყნებიდან მოტყუებით ჩავლენ, 10 წლამდე ციხე ემუქრებათ”, – ამის შესახებ ბრიტანეთის ჯანდაცვის მინისტრმა, მეტ ჰენკოკმა განაცხადა.
მისი თქმით, ორშაბათიდან ბრიტანეთისა და ირლანდიის მაცხოვრებლები, რომლებიც “წითელ სიაში” შეყვანილ ადგილებში იმყოფებოდნენ, ინგლისში ჩასვლისას ვალდებულნი არიან “საკარანტინო პაკეტი” შეიძინონ, რომელიც 2400 აშშ დოლარი ღირს და მასში შედის ვირუსზე ტესტირებისა და ცხოვრების ხარჯები.
“ჩვენ ძალიან მკაცრები ვიქნებით მათ მიმართ, ვინც ცრუ ინფორმაციას წარმოადგენს”, – განაცხადა ჰენკოკმა.
ინგლისის “წითელ სიაში” 33 ქვეყანაა შესული. მათ შორის არის სამხრეთ აფრიკის რესპუბლიკა, პორტუგალია და სამხრეთ ამერიკის ყველა ქვეყანა.