საქართველოს ნაკრებისა და „ნაპოლის“ ვარსკვლავის, ხვიჩა კვარაცხელიას საფეხბურთო აგენტმა, მამუკა ჯუღელმა, „პირველ არხთან“ ექსკლუზიურ ინტერვიუში განაცხადა:
„გგონიათ, ოსიმენი მთელი ცხოვრება ნეაპოლში ითამაშებს? წინასწარ გეტყვით, რომ ზაფხულის სატრანსფერო ფანჯრისას საუდის არაბეთში წავა. ხვიჩას მილიარდი რომ მისცე, საუდის არაბეთში სათამაშოდ არ გადავა. კვარაცხელიას სხვა გემოვნება და ცხოვრებისეული ტვინი აქვს. იგი რეალში, ბაიერნში, ბარსელონაში ან სიტიში გადავა“.
ჯუღელის აღნიშნულ კომენტარს „ნაპოლის“ თავდამსხმელი სოციალური ქსელით გამოეხმაურა.
„ძვირფასო მამუკა ჯუღელო, ბინძური და სამარცხვინო ადამიანი ხარ. შენი მსჯელობის უნარის გამო მრცხვენია. რეგვენო! ჩემი სახელი აღარ ახსენო“, – დაწერა ინსტაგრამ-სტორიში ნიგერიელმა ცენტრფორვარდმა.
