ჟურნალისტი ვიკა ბუკია სოციალურ ქსელში ახალ პოსტს აქვეყნებს.
„ჭეშმარიტ ქრისტიანს ტაძარში სტალინის ნახვა უნდა უკარგავდეს საქციელს და არა – საღებავმისხმული სტალინი. ვინც ასე არ უყურებს ამ საკითხს რუსულ სპეკულაციას არის აყოლილი: ან განზრახ ან უნებლიეთ.
მაგრამ რომელია უფრო მეტი? ქრისტიანი თუ რუსული სპეკულაციით გაბრიყვებული – ჩემზე კარგად იცით.. მით უფრო, როცა ამ სევდიანი სტატისტიკის შესაქმნელად ყველამ ეფექტიანად და სისტემურად იმუშავა: ჯიბეგასქელებულმა მამაომ, ციანიდის ჩამყრელმა სასულიერო პირმა, გაიძვერმა ქოუჩმა, პროპაგანდისტმა ფილოსოფოსმა, თვითმარქვია მღვდელმა, აფერისტმა ეზოთერიკოსმა თუ უბრალო მესანთლემ.
ასეთი სისტემა შექმნა ავტოკრატიამ. და ივანიშვილის ძალაუფლებაც დღეს ამგვარი ელექტორატის იმედადაა. ელექტორატის, რომელსაც, სამწუხაროდ, დააჯერეს, რომ ქრისტიანობა თურმე “ერთმორწმუნე” მტერთან მოყვრობაა, თანაც ისეთი, რომ მტარვალი სტალინი სალოცავ ხატად შეიძლება ჩამოგიკიდონ.
აი, ეს არის ამ ქვეყნის (და როგორც ჩანს, დღევანდელი დღის) სევდაც და გამოწვევაც“, – წერს ის.