საზოგადოება „ძველი ქუთაისელები“ სოციალურ ქსელში სამწუხარო ინფორმაციას ავრცელებს.
„სამწუხაროდ, კიდევ ერთი ღირსეული ქართველი და ერის მსახურებაში დამაშვრალი მამულიშვილი ანზორ საკანდელიძე გადასახლდა მარადისობაში .
ბატონი ანზორი იყო ჭეშმარიტად დიდი ქართველი- სპორტსმენი, მეცნიერი, პედაგოგი, საზოგადო მოღვაწე, უმაღლესი კლასის ინჟინერ- მშენებელი, ამასთანავე, ქართული პოეზიის და ლიტერატურის უბადლო მცოდნე და მოყვარული, „საქართველოს თავისუფალ მცირე მეწარმეთა ასოციაციის“და „საქართველოს რეფორმატორთა კავშირის“ ერთ-ერთი დამფუძნებელი, მისი ხელმოწერით დასტურდება საქართველოს დამოუკიდებლობის აქტი, თავის ქვეყანასა და მშობლიურ ქალაქ ქუთაისზე უსაზღვროდ შეყვარებული, არასოდეს გაუწყვეტია კავშირი საკუთარ ქალაქთან.
ვუსამძიმრებთ მის ოჯახს, ქუთაისს და სრულიად საქართველოს , სასუფეველი დაუმკვიდროს უფალმა“, – აღნიშნულია პოსტში.