ჟურნალისტი მერაბ მეტრეველი სოციალურ ქსელში ახალ პოსტს აქვეყნებს.
„ეს ნატა ფერაძე პროვოკატრია?
სტალინის ხატზე გამოსხვა მორალური სიმახინჯეა, მაგრამ სიმახინჯეს ვანდალიზმით უნდა ვუპასუხობთ?“, – წერს ის.
შეგახსენებთ, დღეს აქტივისტმა ნატა ფერაძემ გაავრცელა ვიდეო, რომელშიც ჩანს, რომ სამების ტაძარში, ხატს, რომელზეც ნეტარ მატრონა მოსკოველთან ერთად იოსებ სტალინია გამოსახული, საღებავი შეასხეს.
ამასთან, სამების ტაძარში, სტალინის გამოსახულებიან ხატზე საღებავის შესხმის ფაქტზე, გამოძიება ვანდალიზმის მუხლით დაიწყო.
რამდენიმე დღის წინ დეკანოზმა ილია ჭიღლაძემ სოციალურ ქსელში გამოაქვეყნა ხატის ფოტოები, რომელზეც რუსეთის ეკლესიის მიერ წმინდანად შერაცხულ მატრონასთან ერთად საბჭოთა დიქტატორი, იოსებ სტალინია გამოსახული.