მსოფლიოს ყველაზე ძვირადღირებული ფეხბურთელების სია ცნობილია – რომელ ადგილზეა კვარა

CIES საფეხბურთო ობსერვატორიამ, საკუთარ სტატისტიკურ მოდელზე დაყრდნობით, მსოფლიოს ყველაზე ძვირადღირებული ფეხბურთელების რეიტინგი შეადგინა.

CIES-მა ტოპ 100 შემოგვთავაზა.რეიტინგში ხვიჩა კვარაცხელია 21-ე გახლავთ, იტალიის სერია A-ში – პირველი „კვარას“ ფასი 115.3 მილიონი ევროა.

კვარაცხელიას რაფაელ ლეაუ მოჰყვება, რომელიც 114.2 მილიონადაა შეფასებული. „მილანისა“ და „ნაპოლის“ გარემარბების შემდეგ, სერია A-ში ყველაზე ძვირადღირებული ფეხბურთელი ლაუტარო მარტინესია (102.9 მილიონი), ვიქტორ ოსიმენი მეოთხე ადგილზეა – 100.5 მილიონი.

CIES-ის რეიტინგში პირველი პოზიცია ჯუდ ბელინგემს უკავია (267.5 მილიონი). მეორეზე „მანჩესტერ სიტის“ თავდამსხმელს, ერლინგ ჰოლანდს ვხედავთ (251.2 მილიონი), მესამეზე ვინისიუს ჟუნიორია (250.3 მილიონი) მეოთხე – როდრიგო გოეში (247.9 მილიონი), მეხუთე – ბუკაიო საკა (223 მილიონი).