საქართველოს ყველაზე მჭიდროდ დასახლებული რეგიონები – საქსტატის მონაცემები

სტატისტიკის ეროვნული სამსახურის ბოლო მონაცემების მიხედვით, რომელიც 2023 წლის 1-ლი იანვრის მდგომარეობით არსებულ მონაცემებს ასახავს, ქვეყანაში ყველაზე მჭიდროდ დასახლებული ადგილი თბილისია.

დედაქალაქში მო­სახ­ლე­ო­ბის სიმ­ჭიდ­რო­ვე ერთ კვად­რა­ტულ კი­ლო­მეტრზე 2,462.5 კა­ცია.

თბილისის შემდეგ ყველაზე მჭიდროდ დასახლებულად ითვლება აჭარის ავტონომიური რესპუბლიკა, სადაც მოსახლეობის სიმჭიდროვე 1 კვ. კმ.-ზე 124.6 კაცია, მას მოსდევს – შიდა ქართლი 72.9 კაცით. ამ უკანასკნელს მცირედით ჩამორჩება იმერეთი, სადაც მოსახლეობის სიმჭიდროვე 1 კვ. კმ-ზე 72.2 კაცს შეადგენს.

რაც შეეხება სხვა რეგიონების მონაცემებს, ასე გამოიყურება:

ქვემო ქართლი – 68.8 კაცი;
გურია – 51.3 კაცი;
სამეგრელო-ზემო სვანეთი – 40.1 კაცი;
კახეთი – 26.9 კაცი;
სამცხე-ჯავახეთი – 23 კაცი;
მცხეთა-მთიანეთი – 16.6 კაცი;
რაჭა-ლეჩხუმი და ქვემო სვანეთი – 5.9 კაცი.