ქსენია სობჩაკის ცნობით, ვალერი და კონსტანტინე მელაძეების 90 წლის მამა, შოთა მელაძე, მოსკოვის ერთ-ერთ კლინიკაში უგონო მდგომარეობაში იმყოფება.
გავრცელებული ინფორმაციით, შოთა მელაძეს კორონავირუსის გადატანის შემდეგ, სერიოზული პრობლემები დარჩა და ის სასწრაფოდ გადაიყვანეს საავადმყოფოში. ვალერი მელაძემ მაშინვე შეწყვიტა საკონცერტო ტური, რათა რთულ პერიოდში მამასთან ერთად ყოფილიყო.
„ვალერი მელაძის ყველა მომავალი კონცერტი ჩაიშალა მამის მძიმე მდგომარეობის გამო. ჩვენი ინფორმაციით, 90 წლის შოთა მელაძე უგონო მდგომარეობაში იმყოფება მოსკოვის მახლობლად მდებარე ერთ-ერთ კლინიკაში, რეანიმაციაში. მიზეზი კორონავირუსისგან გამოწვეული შედეგებია. ვალერი მაშინვე გამოფრინდა ტურიდან, ის სულ მამასთანაა“, – აღნიშნავს ქსენია სობჩაკი პირად ტელეგრამის არხზე.
წყარო: „კვირის პალიტრა“