სვანეთის გზაზე უსაფრთხოების უპრეცედენტო ზომებია მიღებული. გადაადგილება მხოლოდ პოლიციისა და შესაბამისი სამსახურების ნებართვით არის შესაძლებელი, თუმცა მოძრაობა დიდი გამავლობის მქონე ავტომობილებს ეზღუდებათ.
ამ დრომდე საავტომობილო გზიდან ქვის უზარმაზარი ლოდების გატანა ვერ ხერხდება.
„დარჩენილია ორი დიდი ლოდი. დაიწყო გზის წმენდა. სპეციალისტები მოდიან დღეს და შეისწავლიან ყველაფერს. იმის მიხედვით გვეცოდინება საფრთხეები. გზა გახსნილია და მოძრაობა მიმდინარეობს, მაგრამ დარჩენილია გზაზე ლოდი, რომელიც აფეთქდება დღეს და გაწმენდენ გზას“, – ამბობს „ტვ პირველთან“ ინტერვიუში კაპიტონ ჟორჟოლიანი.