პეტრე კოლხი საქართველოს კათოლიკოს-პატრიარქის, ილია მეორის შესახებ, პოსტს აქვეყნებს.
„დადგება დრო, ტერენტი გრანელი წმინდანად შეირაცხება”.
ისე მომეწონა და გამიხარდა ეს სიტყვები, მივხვდი, რომ პოეზიაც უყვარდა და ესმოდა…
ვისაც გახსოვთ, წლების წინ, ყოველ კვირას სამების ახალგაზრდულ ცენტრში მისი კურთხევით ვმართავდი პოეზიის საღამოებს და დარბაზში ტევა არ იყო…
მისი კურთხევით ავუგე წესი დიდუბის პანთეონში პაოლო იაშვილს…
მისი კურთხევით თვეზე მეტი ვმუშაობდი, მის პირად არქივში და გამოიცა საოცრად კარგი პოეტური კრებული…
ბევრჯერ მიგრძვნია მისი მშობლიური მზრუნველობა და ყურადღება… ხასიათი მაქვს ისეთი, მცირედსაც ვაფასებ და არ მაქვს უფლება, დიდზე ხმამაღლა არ ვისაუბრო… უმადურობა და დაუნახაობა ყველაზე პატარა ადამიანების თვისებაა…
მას კარგად ესმის შემოქმედი ადამიანის ბუნება და ხასიათი… დამიბარებდა, მომისმენდა, დამარიგებდა, პოეტი ხარ, სხვანაირად აღიქვამ ყველაფერსო…
სულ მიკვირდა მისი ასეთი გაგება, გათავისება…
მიკვირდა და მახარებდა…
მოსაყოლი ბევრი მაქვს, გასახსენებელი უფრო მეტი… მოვა დრო, ვრცლად აუცილებლად დაიწერება…
ხვალ იუბილარია…
დიახ, ჩვენ უწმინდესზე ვსაუბრობ…
იგი ცხუმ-აფხაზეთის საეპისკოპოსოდან ავიდა სრულიად საქართველოს კათოლიკოს პატრიარქის ტახტზე… ვნატრობ, ვუსურვებ, მის მიერ აღვლენილი წირვა მალე მომესმინოს ილორის წმინდა გიორგის ტაძარში, სადაც მე მოვინათლე!..
პატრიარქო, ყოველთვის მადლიერი ვიქნები!..“, – წერს ის.