იმ მებრძოლების ხსოვნის საპატივსაცემოდ, რომლებიც 2014 წლიდან დღემდე უკრაინაში რუსეთის წინააღმდეგ ომში დაიღუპნენ, წმინდა გიორგის ხატი დაიწერა.
ხატზე დატანილია საქართველოსა და უკრაინის დროშები.
მას დღეს ქაშვეთის ეკლესიიდან უკრაინაში “ქართული ლეგიონის” მებრძოლი, გია შიოშვილი გადააბრძანებს. ხატს კიევში, წმინდა ვოლოდიმირის სახელობის ტაძარში დააბრძანებენ. ეს ის ეკლესიაა, სადაც ომში დაღუპული ქართველი მებრძოლების პანაშვიდები იმართება ხოლმე.
“დღევანდელი დღე არის უპრეცედენტო შემთხვევა, როცა ქართული ხატი, წმინდა გიორგის ხატი გადაბრძანებული იქნება უკრაინაში. მსვლელობა დაიწყება იმ ადგილიდან, სადაც გადმოვასვენეთ ჩვენი ქართველი მეომრები, ეს არის ქაშვეთის წმინდა ეკლესია და გადასვენდება ხატი უკრაინაში, ვოლოდიმირის სახელობის ტაძარში, საიდანაც გადმოვასვენეთ ჩვენი ქართველი გმირები”, – თქვა გია შიოშვილმა.