ორგანიზაცია “ევროპა ჩვენი სახლიას” დამფუძნებელი თორნიკე ბარათაშვილი სოციალურ ქსელში საგანგაშო ინფორმაციას აქვეყნებს. ის ნიკორწმინდის უნიკალური ტაძრის ამჟამინდელ მდგომარეობას ეხება.
“მდგომარეობის გაუარესება თვალშისაცემია სახურავი სპილენძისაა და ნალექის დროს წყლის მუდმივი შემხებლობის გამო ქვის შეფერილობაც შეცვლილია.
კლიმატის გათვალისწინებით განსაკუთრებით მნიშვნელოვანია თოვლისგან საძირკველთან კედლების გათავისუფლება, რამდენადაც რაჭაში თოვლი იშვიათობა არ არის, აღმავალი ტენის ზრდის რისკებს აპროვოცირებს.
ამ მხრივ განსაკუთრებით საყურადღებოა ჩრდილოეთ ფასადის მდგომარეობა სადაც თოვლის დნობა პირდაპირ ფუნდამენტში ხდება და გარედან კედელი სველია.
კულტურული მემკვიდრეობა იცნობთ ამ პრობლემას, თუ გელათივით “რეაბილიტაციისთვის დამახასიათებელი უმნიშვნელო ხარვეზია”?”- წერს თორნიკე ბარათაშვილი