ცნობილმა მომღერალმა მარკუს მეტრეველმა ტელეთერში შვილებზე ისაუბრა, რომლებიც 10 წელია არ უნახავს. მომღერლის განმარტებით, უფროსი შვილი ლუკა 5 წლის იყო, როცა მეუღლეს დაშორდა, უმცროსი გოგონა ვივიენი კი რამდენიმე თვის.
ბავშვები თბილისში ცხოვრობენ, ამის მიუხედავად, მამას მხოლოდ შორიდან აქვს მათი ნახვის საშუალება.
„ჩემი ცხოვრების დრამა და ტკივილი სწორედ ის არის, რომ არ მაქვს ყოველდღიური ურთიერთობა შვილებთან. 10 წელია, არ მინახავს ჩემი შვილები. არც სატელეფონო კომუნიკაცია მქონია. მხოლოდ და მხოლოდ ვუყურებ, როგორ დადიან სკოლაში… მე და ჩემს მეუღლეს თავიდან ცივილური ურთიერთობა გვქონდა,
ბავშვებს ვნახულობდი. თუმცა დაშორებიდან რამდენიმე თვეში ის გათხოვდა და მითხრა, რომ ბავშვებს ვეღარ ვნახავ“ – ამბობს მარკუს მეტრეველი გადაცემაში „სიკეთე მარტივია“.
მისი თქმით, ერთხელ მასწავლებელმა სცადა, ბავშვთან გამოლაპარაკებაში დახმარებოდა, თუმცა ბოლო მომენტში მას ემოციურმა მდგომარეობამ შეუშალა ხელი.
„გადმოვედი მანქანიდან, მაგრამ ბავშვი რომ დავინახე კიბეზე ჩამოდიოდა, ფეხზე ვეღარ დავდექი. იმდენად დიდი სტრესი მივიღე, ხმაც ვერ ამოვიღე. რაღაცნაირად შევიბოჭე, ვერც მივესალმე და ჩაიარა მამობილის თანხლებით, მუმიასავით გაყინული დავრჩი.