აღმოსავლური ჰოროსკოპის მიხედვით, 2024 წელი მწვანე ხის დრაკონის წელიწადია.
რა ფერებში გამოწყობილები უნდა შევხვდეთ დრაკონის წლის დადგომას, როგორ უნდა გავაფორმოთ სადღესასწაულო სუფრა, რა სახის საკვებს უნდა მივანიჭოთ უპირატესობა და რა სიმბოლოები უნდა განვათავსოთ ნაძვის ხესა და მაგიდაზე – ამ თემებზე ფენ შუის სპეციალისტი, საქართველოს ფენ შუის ასოციაციის დამფუძნებელი, თიკა ქოქაშვილი „ფორტუნას“ მკითხველს მნიშვნელოვან რჩევებს უზიარებს.
2024 წლის აქტუალური ფერები..
„რადგან მომავალი წელი მწვანე ხის დრაკონის წელიწადია, ძალიან აქტუალური იქნება მწვანე ფერი. აქტუალურია წითელი ფერიც, ამასთან, მომავალი წლის ფერი იქნება ლურჯი და ცისფერი. ამიტომ შეგვიძლია ამ ფერის სამოსით შევიმოსოთ და სუფრაც ამ ფერებში გავაწყოთ.
საუკეთესო კომბინაცია იქნება ლურჯისა და წითლის შეხამება, რადგან ორი სხვადასხვა ენერგია – წყალი და ცეცხლი, ერთმანეთს აქრობს და ეს ჰარმონიას და ბალანსს მოგვიტანს.
სადღესასწაულო სუფრაზე აკრძალულია კურდღლის ხორცი, დაშვებულია ხორცეული, რეკომენდაციას კი უპირატესად ფრინველის ხორცს ვუწევთ.
სასურველია, სუფრაზე მაქსიმალურად ბევრი ხილი და ტკბილეული იყოს. ძალიან კარგია, თუ გვექნება ბრინჯისგან დამზადებული რაიმე პროდუქტი, ასევე, მწყრის კვერცხით გაფორმებული სალათები.
სუფრაზე განვათავსოთ ცოცხალი ბრინჯი, ის ბარაქის სიმბოლოა, ბრინჯთან ერთად ასევე მისაღებია ხორბალიც“
დრაკონი და მარგალიტები..
„დრაკონს ძალიან უყვარს მარგალიტები. შეიძლება ნამდვილი მარგალიტები არ გვქონდეს, თუმცა შესაძლებელია იმიტაცია – დეკორატიული მარგალიტები შეგვიძლია გამოვიყენოთ სამოსზე სამკაულად, ასევე შეგვიძლია, მარგალიტის მსგავსი ნივთები სუფრაზეც დავალაგოთ.