“ზოგი ძალიან არაადეკვატურად აღიქვამს მსახიობის როლს და აიგივებს მას და პერსონას ერთმანეთთან” – რას ამბობს დავით დვალი მისი მანქანის დაზიანებაზე

„ჩემი ცოლის დაქალების“ მსახიობს, დავით დვალს, მანქანა დაუზიანეს. სერიალში ის გაჩა ზვერაძის როლს ასრულებს.

ინციდენტი მის საცხოვრებელ სახლთან, საპარკინგე ზონაში მოხდა. სათვალთვალო კამერის ჩანაწერების მიხედვით, უცნობმა პირმა ავტომანქანა ჯერ მიზანმიმართულად დააზიანა, შემდეგ კი კვალის დაფარვის მიზნით, ინსცენირება მოაწყო, თითქოს ავტომანქანა კორპუსიდან გადმოვარდნილმა ნივთმა დააზიანა.

“დაახლოებით 4 წუთის განმავლობაში წიხლებით აზიანებდა მანქანას. კამერებია ყველგან ეზოში და, როგორც ჩანს, კვალის დაფარვის მიზნით, შემდეგ რომ გვეფიქრა რომ ზევიდან გადმოვარდა რაღაც და იმიტომ დაზიანდა ავტომობილი, გადმოგდებულია ძალიან დიდი საგანი…ყველაფერი დასაშვებია. იმიტომ, რომ ზოგი ძალიანა არაადეკვატურად აღიქვამს მსახიობის როლს და აიგივებს როლს და პერსონაჟს ერთმანეთთან,” – ამბობს დვალი.