“ჩემი ქალაქი მკლავს” ფეისბუქ გვერდზე ვრცელ პოსტს ავრცელებს, რითიც სატრანსპორტო საშუალებების გამონაბოლქვის თემას და მასთან დაკავშირებულ პრობლემას ეხმიანება.
“#არაგამონაბოლქვს
111 დღის მონიტორინგის შედეგები 🤝
სულ ხილულ გამონაბოლქვზე დაჯარიმდა – 2925 ავტომობილის მძღოლი , მათ შორის
ფიზიკური პირი- 2512, იურიდიული პირი – 413 🤝
თბილისი – 1319
ქუთაისი – 652
ბათუმი – 534
რუსთავი – 420
❗️ავტოსატრანსპორტო საშუალებების გამონაბოლქვის კანონმდებლობით დადგენილ ნორმასთან შეუსაბამობისთვის, ფიზიკური პირის შემთხვევაში, ჯარიმის ოდენობა პირველ ჯერზე 100 ლარია, მეორე ჯერზე – 300 ლარი, მესამე ჯერზე – 600 ლარი. იურიდიული პირის შემთხვევაში კი, ჯარიმა 500, 1500 და 3000 ლარია. ჯარიმის 10 დღის ვადაში გადახდის შემთხვევაში, სამართალდამრღვევს ჯარიმის ოდენობა 20%-ით შეუმცირდება.
ეს კანონი არის ხალხის მიერ დაინიცირებული, 2022 წელს 1 თვეში შევაგროვეთ 30 500 ხელმოწერა, შედეგიც სახეზეა, სუფთა ჰაერი არის თითოეული ჩვენთაგანის უფლება 🤝
თბილისში 2020-2021 წლებში სასუნთქი სისტემის ავადობა ( რომლის მთავარი გამომწვევი მიზეზი დაბინძურებული ჰაერია ) დაუფისირდა
❗️142 756 ადამიანს მათ შორის
❗️55 800 იყო 9 წლამდე ბავშვი ❗️
ხოლო საქართველოშო 2020-2021 წლებში
❗️305 021 ადამიანს მათ შორის
❗️122 476 იყო 9 წლამდე ბავშვი❗️
საქართველოს შინაგან საქმეთა სამინისტროს საინფორმაციო-ანალიტიკური
დეპარტამენტის ინფორმაციით, საქართველოს მასშტაბით ჰაერის დაბინძურების 71 პროცენტის წყარო ტრანსპორტის სექტორია, ამ დაბინძურების 37 პროცენტი კი თბილისზე მოდის.
თუ ნახავთ მსგავს ფაქტს გადაიღეთ ფოტო ვიდეო მასალა და გამოგვიგზავნეთ პირადში 🤝
ერთად დავამთავროთ გამონაბოლქვი ჩვენს ქალაქსა და ქვეყანაში”- წერია პოსტში.