“შეუძლია თავისი ჩანთიდან გააძროს როლინგი ან თბილი კურტკა და შემოაცვას დახმარების მთხოვნელს ქუჩაში” – ამის შესახებ აქტივისტი და ბლოგერი დომენიკ მანგო სოციალურ ქსელში წერს.
“გიორგი გაჩეჩილაძე უკვე თითქმის ორი თვეა ქუჩა-ქუჩა დადის. მანამდე საგულდაგულოდ გადარჩეულ ტანსაცმრლს, რომელსაც მეგობრებისგან აგროვებს, ქუჩაში მყოფ უპოვარებს ურიგებს. ვაკვირდები, ნებისმიერ მომენტში შეუძლია თავისი ჩანთიდან გააძროს როლინგი ან თბილი კურტკა და უცებ შემოაცვას ნებისმიერ დახმარების მთხოვნელს ქუჩაში.
წინასწარ ვიცი, ამ პოსტის კომენტარებში აუცილებლად გამოჩნდება ერთი-ორი ფაშვიანი და ყანწიანი მაძანგალა, რომელიც საყურეზე და თმაზე გააკეთებს აქცენტს. სანამ ხმას ამოიღებთ, ილიას სიტყვები გაიხსენეთ: “აბა დღეს თქვენ ვის რა არგეთ?” (ყანწები და ჩვენს მიწა-წყალს გაუმარჯოს, სადღეგრძელოებით, არ ითვლება)”