ილიას სახელმწიფო უნივერსიტეტი სამწუხარო ინფორმაციას ავრცელებს:
“ილიას სახელმწიფო უნივერსიტეტი ღრმა მწუხარებით იუწყება, რომ გარდაიცვალა ცნობილი გერმანელი ქართველოლოგი, ოლდენბურგის უნივერსიტეტის პროფესორ-ემერიტუსი, ილიას სახელმწიფო უნივერსიტეტის საპატიო დოქტორი, საქართველოს დიდი მეგობარი და გულშემატკივარი, ბატონი ვინფრიდ ბოედერი.
დღეს ქალაქ ოლდენბურგის პრესაში ბატონი ვინფრიდის მეუღლემ და მეგობრებმა გამოაქვეყნეს ნეკროლოგი, რომელშიც ბატონი ვინფრიდის უკანასკნელი სურვილიცაა გაცხადებული:
„ჩვენგან წავიდა შეუდარებელი ადამიანი, პროფესორი ვინფრიდ ბოედერი. მისი სამეცნიერო ცხოვრება ეკუთვნოდა კლასიკურ ენებს, ქართულ ენას და ადამიანებს საქართველოდან, რომლებიც მის სამეცნიერო საქმიანობას დიდად აფასებდნენ.
ჩაფიქრებული ყვავილების ნაცვლად გთხოვთ შემოწირულობას საქართველოში სიმსივნით დაავადებული ბავშვებისთვის.
მეგობრებისა და ახლობლების სახელით, დორის ბოედერი“