ჟურნალისტ ქეთი ბერძენიშვილის დედა, შვილის გარდაცვალების მიზეზის დადგენას მოითხოვს და ბოკერიას საუნივერსიტეტო კლინიკის პროფესიონალიზმს ეჭვქვეშ აყენებს. მაგული ჩხობაძე ჯანდაცვის სამინისტროს მიმართავს. მან დღეს ადვოკატებთან ერთად ბრიფინგი გამართა.
გარდაცვლილი ჟურნალისტის დედა და მისი უფლებადამცველები მოითხოვენ, ჯანდაცვის რეგულირების სააგენტომ ქეთი ბერძენიშვილის გარდაცვალების მიზეზი შეისწავლოს – რამდენად უზრუნველყო კლინიკამ ოპერაციის სწორად ჩატარება და პოსტოპერაციული პროცესი, ასევე, რამდენად სწორად მიეწოდა თურქულ კლინიკას პაციენტის დიაგნოზი.
მაგული ჩხობაძის ვარაუდით, მისი შვილი არასწორად ჩატარებული ოპერაციისა და ჰოსპიტალური ინფექციისა და არასწორი პოსტოპერაციული მკურნალობის გამო დაიღუპა.
წყარო: megatv.ge