ონკოლოგმა, ბიოქიმია-ფარმაკოლოგიის ლექტორმა გიორგი ღოღობერიძემ, რომელიც პანდემიის პერიოდში და არა მარტო, საზოგადოებას მუდმივად აწვდის სხვადასხვა აქტუალურ თემებზე ინფორმაციებს, გადაცემაში “სთორი” საკუთარ პირად ცხოვრებაზე ისაუბრა. თქვა, რომ ბოლოს შეყვარებული 6 თვის წინ იყო, თუმცა განშორება მოუწია. მიზეზად ღოღობერიძე გადატვირთულ რეჟიმს ასახელებს.
“მე კიდევ დიდხანს მიყვარდა, მაგრამ მას უკვე აღარ ვუყვარდი. ძალიან ძნელი სათქმელია. ურთიერთობაში ბევრი ფაქტორი თამაშობს, ერთ-ერთია ყურადღება. ქალმა შეიძლება თქვას, რომ მე ყურადღება არ მჭირდება, მაგრამ საბოლოოდ, მაინც სჭირდება. როცა 24 საათი მუშაობს და შენს საქმეს აკეთებ, გგონია, რომ ის ადამიანი მაინც შენს გვერდითაა და მაინც შენს საქმეს აკეთებ, ის კი ყურადღების მიღმა გრჩება. ცივდება ურთიერთობა. აბა, რაღას უნდა ელოდო? კიდევ ხომ არ მოვა და გეტყვის, მიყვარხარო. აღარ აქვს მიზეზი, რომ ძალიან უყვარდე.
ახლა, ამ ეტაპზე, მირჩევნია მქონდეს ურთიერთობა უფრო სამედიცინო კუთხით. იმ ასაკში ვარ, რომ ხალხს მართლა ვჭირდები. როცა ვნახავ, რომ მეტი დრო მრჩება ურთიერთობისთვის, მერე უკვე ვიფიქრებ… ჩემი პროფესიის წარმომადგენელი იყო, მაგრამ მაინც ვერ უშველა ამ ფაქტორმა ურთიერთობას”.- თქვა გიორგი ღოღობერიძემ.
ამავე გადაცემაში მანვე აღნიშნა, რომ იმ სკოლაში სწავლობდა, სადაც მისი დედა პედაგოგი იყო.
“დედაჩემს როგორც პედაგოგს ისე ვხდებოდი ხოლმე, იმდენად იზოლირებული იყო ჩემგან. გამარჯობას ვეტყოდი ხოლმე. პირიქით, თუ ვახსენებდი შეიძლება დავესაჯე სიტყვიერად”.- თქვა ღოღობერიძემ და ის პერიოდიც გაიხსენა, როდესაც მეცხრე კლასში გაიგო, რომ დედამისი უმძიმეს დაავადებას ებრძოდა.