“თუ ვინმეს შეუძლია, ჩემს შვილებს დაეხმაროს ახალ წელს. ჩემსშვილებსაც აქვთ სურვილები, მაგრამ არ ვიცი, როგორ შევუსრულო”,– თბილისში, ნუცუბიძის ქუჩაზე მცხოვრებ სოციალურად დაუცველ ოჯახს საზოგადოების დახმარება სჭირდება.
46 წლის ესენია აკოპოვა 4 შვილს სრულიად მარტო ზრდის, მათგან 12 წლის ტყუპი ბავშვი შშმ პირია. მათ განსაკუთრებული მზრუნველობა სჭირდებათ. მარტოხელა დედის ერთადერთი შემოსავალი სოციალური დახმარებაა, რომლის ნაწილსაც ქირაში იხდის, ნაწილს კი საბურთალოს რაიონის გამგეობა უფარავს.
” 4 შვილი მყავს, მათგან ტყუპი შშმ პირია. ანასტასიას აქვს ჰიდროცეფალია, მწოლიარეა და ვერ ხედავს. ასევე, არ აქვს ღეჭვის რეფლექსი… მარტო ვზრდი ბავშვებს, რადგან მეუღლემ მიგვატოვა, წავიდა,”– ამბობს ესენია აკოპოვა.