დღეიდა გუდაურში ზამთრის სეზონი ოფიციალურად გაიხსნა.
ზამთრის სეზონს გუდაური სიახლეებით შეხვდა. დამსვენებლებს კურორტზე 1249 და 1369 მეტრის სიგრძის ორი ახალი საბაგირო კომპლექსი დახვდათ.
სიახლეა სათხილამურო ბილიკებთან დაკავშირებითაც. სეზონის გახსნისთვის მზადების პროცესში მოეწყო კიდევ ერთი 6 კილომეტრი სიგრძის სასრიალო გზა. არსებულებს კი, ჩაუტარდა რეაბილიტაცია და განახლდა ინფრასტრუქტურულად.
კურორტს წელს ახალი სამაშველო შენობა აქვს. გუდაურის ინფრასტრუქტურის რეაბილიტაციაში 70 მლ. ლარის ინვესტიცია განხორციელდა. კურორტი დღეს გასულ წლებთან შედარებით ბევრად მეტი დამსვენებლის მისაღებად ემზადება.