დაავადებათა კონტროლის ეროვნული ცენტრის ინფორმაციით, დადგენილია იმ მოზარდის ვინაობა, რომელიც ძაღლმა გაკაწრა.
ამის შესახებ საქართველოს პირველ არხს დაავადებათა კონტროლისა და საზოგადოებრივი ჯანმრთელობის ცენტრის დირექტორის მოადგილემ, ეკა ადამიამ განუცხადა.
მისი ინფორმაციით, ბავშვს ვაქცინაცია დაწყებული აქვს, რადგან გაკაწვრის შემდეგ, მშობლებმა შესაბამისი ზომები მიიღეს.
შეგახსენებთ, სურსათის ეროვნულმა სააგენტომ გუშინ გაავრცელა ინფორმაცია, რომლის მიხედვითაც, კახეთის გზატკეცილზე, „გალფის“ ბენზინგასამართი სადგურის მიმდებარედ, ძაღლმა მოზარდი გაკაწრა.