პარლამენტის ბიბლიოთეკის გენერალური დირექტორი, გიორგი კეკელიძე, დიდი ქართველი რეჟისორის, ოთარ იოსელიანის დაკრძალვის საკითხს სოციალური ქსელით გამოეხმაურა.
„ოთარ იოსელიანი ისე დავკრძალეთ, სხვათა შორის.
არადა, თითქოს რიტუალების და სიმბოლოების ქვეყანა ვართ, გამოსამშვიდობებელი კარნავალების – თორემ, ვის როგორ გაასვენებენ და მით უფრო, სად დაასაფლავებენ, ვერანაირად შეცვლის მის მეორე სიცოცხლეს, სიკვდილის შემდეგ რომ იწყება.
არ მითხრათ ახლა, ოთარს ასე უფრო უხდებოდაო. ერთია, რა უხდება მას და მეორე — – რა გვიხდება ჩვენ“, – წერს ის.
შეგახსენებთ, იოსელიანი არა პანთეონში, არამედ მშობლების გვერდით დაკრძალეს.