„ღამის შოუს ბენდის“ მომღერალმა, ბაბი კირკიტაძემ, „იმედის კვირას“ იტერვიუ მისცა.
მან ცოტა ხნის წინ გავრცელებული, პირადი ცხოვრების ამსახველი ვიდეოს გავრცელების შესახებ ისაუბრა.
„როდესაც ეს ვიდეო დავინახე, დედასთან ერთად ვიყავი… სახლში მივდიოდით, მანქანაში ვისხედით. გავხსენი ვიდეო ტელეფონში და არც ვიცი, როგორ შევაფასო და რა სიტყვებით რაც მაშინ დამემართა. გავითიშე… მოვწყდი, არაფერი არ მესმოდა… კანკალი დამეწყო. დედა მეკითხებოდა რა მოხდაო და პირდაპირ გადავაწოდე ტელეფონი. მერე გავიაზრე, რომ ჩემთვის ამოუხსნელი ამბავი მოხდა, მაგრამ მშობლისთვის კიდევ უარესი. მერე ორმა მეგობარმა დამირეკა და მითხრეს, რომ ვიდეო გავრცელდაო..
რაც შეეხება მამას და ძმებს, დედამ უთხრა ამის შესახებ, მათ კომენტარი არ გაუკეთებიათ. სულ იმაზე ვფიქრობ, რომ დედას ჩემი მიზეზით რამე არ მოუვიდეს, მაგრამ ის ძლიერია. ძლიერ მხარდაჭერას ვგრძნობ მისგან.
ის წამები, როდესაც ამაზე სტატუსს ვწერდი, ისიც არანორმალურად რთული იყო. ამ წუთას მაქვს ერთი მიზანი, ეს ამბავი მივიყვანო ბოლომდე“, – ამბობს ბაბი კირკიტაძე.