მსახიობი დათა თავაძე სოციალური ქსელით საქართველოსთვის კანდიდატის სტატუსის მინიჭებას გამოეხმაურა.
„ეს წამია მაღაზიიდან ამოვედი, სადაც მოლარე ქალმა ჩუმად, მორიდებულად მითხრა: “გილოცავთ…”
თვალები ამიწყლიანდა, მეთქი, მეც!
ჰოდა, აი, რა იქნება:
მოვა დრო და მშრომელი ხალხი ღირსეულ ანაზღაურებას მიიღებს!
და სტუდენტები ღამეებს მხოლოდ კითხვაში გაათენებენ და არა რომელიმე ვირთხა-დამსაქმებლის დახლთან!
და ბავშვებს მერხებთან საჭმელზე ოცნების გარდა კიდევ სხვა ოცნებებიც ექნებათ!
და წამალი ფუფუნების საგანი აღარ იქნება!
და ბანკები ვეღარ გაძარცვავენ ხალხს!
მინდა მივულოცო იმ ქალს, რომ ყველაფერი კარგად იქნება, იმიტომ რომ ყველა ერთად ყველაფერს გავაკეთებთ ამისთვის, თანაც დროზე და ხმამაღლა!“, – წერს ის.