ყველასთვის კარგად ნაცნობი და საყვარელი მომღერალი ნინი შერმადინი რამდენიმე წელია, რაც აშშ-ში ცხოვრობს. გარკვეული პერიოდის განმავლობაში მას შვილისგან შორს მოუწია ყოფნა, თუმცა მოგვიანებით მისი თან წაყვანა შეძლო.
ნინი გადაცემა “პოსტ ალიონს” შვილთან ერთად ესტუმრა, სადაც ცნობილმა დედა-შვილმა ერთმანეთის შესახებ ისაუბრეს:
ნინი შერმადინი: “არ ვიცი, რომელიმე დედა ან მშობელი თუ გადმოსცემს იმ ემოციას, რასაც გრძნობ, როდესაც შენს შვილს პირველად დაინახავ და დაიჭერ ხელში…თოთო, უმწეო არსება არის შენზე დამოკიდებული და შენ უნდა იზრუნო მასზე. მე და მარიამმა, ფაქტობრივად, ერთმანეთი გავზარდეთ.
რაც მე ემიგრაციაში მომიწია წასვლა, 10 წელი, ფაქტობრივად, მივდიოდი, მოვდიოდი და მე არ მქონია იმის საშუალება, რომ ყველა მისი ნაბიჯი მენახა, ეს ყველაფერი გამოვტოვე, რასაც გულწრფელად ვამბობ, რომ ვნანობ.
თუმცა იმით ვიმშვიდებ თავს, რომ დღეს ამერიკის მოქალაქეა, იქ სწავლობს, იქ მიიღებს განათლებას და შეძენილ გამოცდილებას, დარწმუნებული ვარ, რომ საკუთარ ქვეყანას მოახმარს.”
მარიამ ციცაგი: “დედაჩემი არის ძალიან თბილი, მეგობრული, კეთილი და გამგები დედა. ყველაზე მეტად დედას უყვარს, როცა მივყვები გადაღებებზე ან როცა ერთად ვსეირნობთ ხოლმე”.
