„ტაბულას“ დამფუძნებელი, თამარ ჩერგოლეიშვილი, სოციალურ ქსელში ახალ პოსტს აქვეყნებს.
ის საქართველოს მესამე პრეზიდენტს, მიხეილ სააკაშვილსა და „მთავარი არხის“ დამფუძნებელს, ნიკა გვარამიას ეხება.
„მე მიშას და გიგას ეგოების ბრძოლაში არ ჩავერევი“, – ეს მომწერა გვარამიამ, როდესაც განგაში მქონდა, რომ სააკაშვილი თვითდესტრუქციულია, თავს იღუპავს, პარტიასაც ღუპავს და ოპოზიციის შანსებსაც. ამ საუბრის შემდეგ, „არ ჩაერია“ და შვიდი წლის განმავლობაში ჭკუიდან გადასულ კაცს ღმერთად აცხადებდა, ხოლო დედამიწას – ბრტყლად, რომ იმას სამსახურიდან არ გაეგდო და ამას ბევრი მაღალქუსლებიანი ძვირფასი ბოტასი ეყიდა.
იმის თქმა მინდა, რომ კანონზომიერია, რაც ახლა ხდება.
თავისუფლების დაცვა ღირსებებით შემკულ ადამიანებს შეუძლიათ, ხოლო ჩვენი პოლიტიკური ელიტა, ბოლშევიკური რეპრესიების შედეგად, ჭკუისგან დაცლილია და უნახავი, ხარბი, უპრინციპო, უხედვო ეგომანიაკებითაა სავსე“, – წერს ჩერგოლეიშვილი.